جموں کشمیر کے جنوبی ضلع اننت ناگ کے حلقہ انتخاب کوکرناگ کے رینی اکنگام علاقے میں سڑک کی خستہ حالی کی وجہ سے مذکورہ علاقہ کے لوگوں کو گزشتہ کئی برسوں سے پریشانیوں کا سامنا کرنا پڑ رہا ہے۔
مقامی لوگوں کا کہنا ہے کہ پختہ سڑک نہ ہونے کے کی وجہ سے معمولی بارش کے دوران سڑک پر چلنا پھرنا دشوار ہوجاتا ہے۔ لوگوں کا کہنا ہے کہ ایمرجنسی کے دوران مریض کو اسپتال لے جاتے وقت سڑک کی خستہ حالی کے سبب چارپائی پر اٹھاکر لے جانا پڑتا ہے. اس کے علاوہ جب مذکورہ سڑک پر گاڑیوں کی آمد و رفت ہوتی ہے تو ایسے وقت گردوغبار ہوا میں پھیلنے سے بھی عوام پریشان ہیں۔
مقامی لوگوں کا کہنا ہے کہ انہوں نے متعدد دفعہ مذکورہ مسائل کے تعلق سے مقامی انتظامیہ سے شکایات کی۔ تاہم محکمہ کی جانب سے یقین دہانی کے سوا انہیں کچھ بھی حاصل نہیں ہوا۔
مقامی لوگوں کا الزام ہے کہ محکمہ نے ان کے اس دیرینہ مطالبے پر غور نہیں کیا. ای ٹی وی بھارت نے یہ اس معاملہ کو جب محکمہ تعمیرات عامہ کے اسسٹنٹ انجینیر طارق احمد کی نوٹس میں لایا تو انہوں نے کہا کہ محکمہ مذکورہ علاقے کی سڑک کی تعمیراتی سرگرمیوں کو اگلے سال کے منصوبہ کے تحت کرنے کے لئے پر عزم ہے۔
انہوں نے امید ظاہر کی کہ اگلے سال رینی اکنگام کی رابطہ سڑک کی تعمیراتی سرگرمیاں شروع کی جائے گی۔ تاکہ لوگوں کی آمد و رفت میں سہولت ہو۔
