اننت ناگ: نماز جمعہ ادا نہیں کی گئی

کورونا وائرس کے قہر کو مدنظر رکھتے ہوئے ضلع اننت ناگ کی مساجد میں نماز جمعہ ادا نہیں کی گئی۔

انتظامیہ نے لوگوں سے احتیاط برتنے اور بھیڑ بھاڑ جمع نہ کرنے کی ہدایت دی ہے، ضلع کی خانقاہوں اور مساجد میں آج نماز جمعہ ادا نہیں کی گئی۔

ادھر اننت ناگ کے تمام راستوں اور سڑکوں پر سخت ترین پابندیاں عائد کی گئی ہیں اور ٹریفک و لوگوں کی نقل و حمل پر پوری طرح سے روک لگا دی گئ ہے۔

انتظامیہ نے پھر ایک بار لوگوں سے گھروں کے اندر رہنے کی تلقین کی ہے جبکہ لاک ڈاؤن کی خلاف ورزی کی پاداش میں اب تک درجنوں افراد و دکانداروں کے خلاف کارروائی عمل میں لائی گئی ہے۔