امرناتھ یاترا اور لنگرپر روک

ریاست جموں و کشمیر کے اننت ناگ ضلع میں واقع بابا برفانی کی 'امرناتھ یاترا' رواں برس جولائی 2019 میں شروع ہوگی۔

ہر برس امرناتھ یاترا کے موقع پر ہندو شیوسینا کی جانب سےیاتریوں کےلیےلنگر لگایا جاتا ہے، لیکن اس برس انہیں مشکلات پیش آ رہی ہیں۔

اس سلسلے میں ہندو شیوسینا کے صدر کرشن منہاس نے پریس کانفرنس کے ذریعہ انتظامیہ پر الزام لگایا ہے کہ ابھی تک خیمہ لگانے کی اجازت نہیں ملی۔

انہوں نے یہ بھی کہا کہ ہمیں انتظامیہ کی جانب سے کہا جا رہا ہے کہ پہلے خیمے کےاندر سی سی ٹی وی لگائی جائے تاکہ ہر اعتبار سے سیفٹی کا مسئلہ حل ہو سکے۔

کرشن مہناس نےمزید کہا کہ ہندو شیوسینا کی جانب سے 20 ہزار روپئے بطور سکیورٹی منی جمع کی جا چکی ہے۔لیکن ابھی تک وہ پیسے نہیں لوٹائے گئے ہیں۔

حالانکہ یہ کہا گیا تھا کہ سکیورٹی منی جمع کرو اور لنگڑ کے لیے اجازت لو۔

انہوں نے مزید کہا کہ ایک سازش کے تحت اس برس لنگر بند کرنے کی کوشش کی جا رہی ہے۔

جب کہ یہ کام ہم عوام کے فائدہ کے لیے کرتے ہیں، یہ یاتریوں کی سہولت کے لیے ہر برس لنگر لگائے جاتے ہیں۔ گذشتہ 13 برس سے یہ سلسلہ جاری ہے۔