ناجائز تعمیرات کے سلسلہ کو روکنے کے لئے ضلع انتظامیہ متحرک ہوئی اور ضلع ترقیاتی کمشنر اننت ناگ ،کے کے سدھا کی ہدایت پر ایک ٹیم تشکیل دی گئی جس کی صدارت سب ڈویژنل مجسٹریٹ کر رہے تھے۔
مذکورہ ٹیم نے اُرنہال جموں سرینگر قومی شاہراہ کے متصل غیر قانونی زیر تعمیر عمارت کو منہدم کیا۔
انتظامیہ کے مطابق یہ مہم آگے بھی جاری رہے گی قابلِ ذکر ہے کہ وادی میں نا مساعد حالات کے دوران خود غرض عناصر اور لینڈ مافیا حالات کی آڈ میں غیر قانونی تجاوزات کھڑے کر رہے ہیں۔
اسی طرح کورونا وائرس کی وجہ سے پیدا شدہ صورتحال کے دوران ایسے عناصر سرگرم عمل ہیں جس دوران انہوں نے اننت ناگ کے مختلف مقامات خاص کر نیشنل ہائی وے پر ناجائز طریقہ سے عمارتیں کھڑا کرنے کا سلسلہ شروع کیا ہے۔