کشمیر میں جنگی طیارہ تباہ، 2 پائلٹ ہلاک

ریاست جموں و کشمیر کے ضلع بڈگام میں انڈین ایئر فورس کا جنگی طیارہ حادثے کا شکار ہوگیا۔جس میں دوپائلٹوں کی موت ہوگئی۔

اطلاعات کے مطابق انڈین ایئر فورس کا ایک جنگی طیارہ ضلع بڈگام کے گرینڈ کلان گاﺅں میں ایک کھلے میدان میں گر کر تباہ ہوگیا۔

تاہم طیارے کے دو پائلٹوں کے ہلاک ہونے کی اطلاع ہے۔ پولیس اور راحتی ٹیم موقع وارادات پر پہنچ چکی ہے۔

مقامی لوگوں نے کہا کہ جنگی طیارہ ایک کھلے میدان میں گرا۔ انہوں نے کہا کہ طیارہ کے زمین پر گرنے کے ساتھ ہی ایک زوردار دھماکہ ہوا جس کی آواز دور دور تک سنائی دی گئی۔

واضح رہے کہ24 اگست 2015 ءکو اسی ضلع کے سویہ بگ علاقہ میں ایئر فورس کا ایک ایم آئی جی 21 جنگی طیارہ گر کر تباہ ہوگیا تھا ۔ تاہم طیارے کا پائلٹ بحفاظت بچ نکلنے میں کامیاب ہوگیا تھا۔