ڈوڈہ میں دوسرے کورونا مریض کی موت

ضلع ڈوڈہ میں کورونا وائرس سے مرنے والوں کی تعداد دو تک پہنچ گئی ہے خطہ چناب کے ضلع ڈوڈہ سے ہی ابھی تک ایسے دو لوگوں کی موت واقع ہوئی ہے جن کے ٹیسٹ کورونا مثبت پائے گئے تھے۔

تفصیلات کے مطابق گاؤں ہُدھ کھلینی ڈوڈہ کے رہنے والے 63 سالہ شخص کی آج کمانڈ اسپتال ادھمپور میں موت واقع ہو گئی۔

اُن کو ایک ہفتہ قبل کمانڈ اسپتال ادھمپور میں بھرتی کیا گیا تھا۔

بتایا یہ بھی جا رہا ہے کہ اُن کی موت کینسر کی وجہ سے ہوئی ہے لیکن جب اسپتال میں ڈوڈہ کے 63 سالہ شخص کی موت واقع ہوئی تو اسپتال انتظامیہ نے اُس کے نمونے جانچ کے لئے حاصل کئے گیے جس میں وہ کورونا مثبت پائے گئے۔

اُن کو کورونا پروٹوکول کے تحت ڈوڈہ لایا گیا اور گنپت پُل کے پاس میں انتظامیہ کی نگرانی میں اُن کی آخری رسومات ادا کی گئی ہے۔

کورونا سے متاثرہ شخص کے لواحقین کے نمونے حاصل کئے گئے ہیں اور اُن کو گھر میں قرنطینہ میں رکھا گیا ہے۔