سیلاب میں پھنسے افراد کو بچایا گیا

ریاست ہماچل پردیش کے ضلع سرمور میں موسلادھار بارش سے ندی میں پانی کی سطح بڑھنے سے ایک گاڑی تیز بہاؤ میں پھنس گئی۔

ضلع میں گذشتہ دو روز سے بارش جاری ہے جس کی وجہ سے سُرلا بس اسٹاپ کے قریب ایک گاڑی پھنس گئی۔

گاڑی میں موجود افراد کے شور مچانے پر مقامی لوگوں نے انہیں بحفاظت کار سے باہر نکال لیا۔وہیں سُرلا سینیئر سیکنڈری اسکول کے اطراف میں موجود مکان اور دکان میں سیلاب کا پانی داخل ہوگیا جس کی وجہ سے بھاری نقصان ہوا ہے۔انتظامیہ نے عوام سے ندی سے دور رہنے کی اپیل کی ہے۔