موسلادھار بارش کے سبب پل بہہ جانے سے آمدو رفت متاثر

ریاست ہماچل پردیش کی پہاڑوں پر موسلادھار بارش کی وجہ سے بھرمور۔ہرسار روڈ پر پرنگھلا سیور پر بنا ہوا پل بہہ گیا۔

پرنگھلا سیور پر بنا پل بہہ جانے کی وجہ سے 'منی مہیش یاترا' پر جانے والی گاڑیوں کی آمد و رفت بھی رک گئی ہے۔

واضح رہے کہ نالے کو عبور کرنے کے لیے کوئی جگہ نہ ہونے سے مسافر یہاں پھنسے ہوئے ہیں۔

بھرمور کے اے ڈی ایم، پی پی سنگھ نے کہا کہ اس کی اطلاع ملتے ہی محکمہ تعمیرات عامہ نے سڑک کی بحالی کا حکم دے دیا ہے۔

تاہم ، محکمہ تعمیرات عامہ نے سڑک کی بحالی کے لیے جنگی پیمانے پر کام شروع کردیا ہے۔