ناگالینڈ کے سابق گورنر اشونی کمار نے خودکشی کرلی

ناگالینڈ کے سابق گورنر، سابق سی بی آئی چیف اور ہماچل پردیش کے سابق ڈی جی پی، اشونی کمار نے آج شملہ میں واقع اپنی رہائش گاہ میں خودکشی کرلی۔

ذرائع کے مطابق شملہ میں واقع اپنے مکان میں اشونی کمار کی لاش لٹکی ہوئی پائی گئی جبکہ وہ کچھ دنوں سے افسردہ تھے۔

خودکشی کی اطلاع ملنے پر ڈاکٹرز کی ٹیم اور پولیس اہلکار موقع پر پہنچ گئے۔ ایس پی شملہ موہت چاولہ نے افسوس کے ساتھ خبر کی تصدیق کی اور کہا کہ اشونی کمار ہمارے لیے رول ماڈل تھے۔

سابق سی بی آئی ڈائرکٹر اور ناگالینڈ کے سابق گورنر شملہ کے بروک ہوریسٹ میں واقع اپنی رہائش گاہ میں خودکشی کرلی۔

خیال رہے کہ اشونی کمار اگست 2006 سے جولائی 2008 تک ہماچل پردیش کے ڈی جی پی تھے، اگست 2008 تا نومبر 2010 انہوں نے سی بی آئی ڈائرکٹر کے عہدے پر کام کیا۔

انہیں بعد میں ناگالینڈ کا گورنر تعینات کیا گیا تھا۔

ماہرین نفسیات کے مطابق کرونا وبا کے دوران ڈپریشن میں کافی اضافہ ہوا ہے اور خاص طور پر کئی اہم شخصیات نے اس مرض کا شکار ہوکر خودکشی کا انتہائی قدم اٹھایا ہے۔