ہماچل میں کورونا کے 167 نئے معاملے ، 203 صحتیاب ، ایک کی موت

ہماچل میں کورونا کے 167 نئے معاملے سامنے آئے ہیں اور 203 مریض کورونا سے صحتیاب ہوگئے ہیں۔ اس وقت ریاست میں پچھلے 24 گھنٹوں میں ایک شخص کی کورونا کی وجہ سے موت ہوگئی ہے۔

آج یہاں یہ اطلاع دیتے ہوئے محکمہ صحت کے ترجمان نے بتایا کہ ضلع اونا میں ایک کورونا سے متاثرہ کی موت ہوگئی جس کی وجہ سے اس کے ساتھ ہی مرنے والوں کی تعداد بڑھ کر مجموعی طور سے 3461 ہوگئی۔ ریاست میں کورونا سے اب تک ضلع کانگڑا میں 1029 ، شملہ 599 ، بلاس پور 77 ، چمبا 142 ، ہمیر پور 254 ، کنور 37 ، کلو 154 ، لاہول اسپیٹی 17 ، منڈی 389 ، سرمور 211 ، سولن 311 اور اونا 241 افراد ہلاک ہوچکےہیں۔

کورونا کے نئے معاملے بلاس پور ضلع میں 11، چمبہ 23 ، حمیر پور 14 ، کانگڑا 16 ، کنور اور کلو پانچ ، لاہول اسپیٹی ایک ، منڈی 44 ، شملہ 13 ، سرمور نو ، سولن سات اور اونا 19 سامنے آئے ہیں۔ اس کے ساتھ ہی ریاست میں کورونا کے مریضوں کی تعداد مجموعی طور سے 201980 ہوگئی ہے۔ اس میں سے 1654 معاملات اب بھی سرگرم ہیں اور 196837 افراد صحتیاب ہوچکے ہیں۔

یو این آئی