اس سلسلے میں جمعیۃ علماء گروگرام کے صدر مفتی سلیم احمد قاسمی بنارسی نے کہا کہ جمعیۃ علماء ہر وقت متاثرین کے ساتھ کھڑی ہے اور آئندہ لقمان کے مقدمے کے ساتھ ناصر اور مرسلین کے مقدمے کی مضبوطی کے ساتھ پیروی کرے گی۔
مفتی محمد سلیم قاسمی بنارسی نے یہ بھی کہا کہ ہم حکومت سے مطالبہ کرتے ہیں کہ اس طرح کے واقعات کو روکنے کے لیے سخت سے سخت قانون بنایا جائے۔
غور طلب ہے کہ گروگرام میں عیدالاضحیٰ سے ایک دن قبل لقمان کو بھیڑ نے نشانہ بنایا تھا اور ان کو بری طرح زدو کوب کیا گیا تھا۔
میوات والوں کا یہ درد ابھی کم نہیں ہوا تھا کہ چند دن بعد ہی لقمان کے گاؤں سے ہی دو نوجوان ناصر اور مرسلین کی بھی ماب لنچنگ کی گئی اور انہیں بری طرح مارا پیٹا گیا۔
متاثر شخص ناصر نے میڈیا میں بیان دیا کہ فرضی گئو رکشکوں نے ہمیں تین روز تک مسلسل فون کیا اور بھینس فروخت کرنے کا جھانسہ دیا جیسے ہی ہم دونوں بھائی وہاں پہنچے، وہ ہمیں جنگلوں میں لے گئے اور ہمیں زدوکوب کیا۔