بیوی اور بیٹے کو قتل کرنے کے بعد باپ کی خودکشی

ہریانہ کے یمنا نگر میں ایک نجی اسپتال میں ایک ملازم نوجوان نے بیوی اور ڈیڑھ برس کے بیٹے کا گلا گھونٹ کر قتل کرنے کے بعد ٹرین کے آگے کود کر خودکشی کرلی۔

پولیس نے بتایا کہ واقعہ کا پتہ آج صبح اس وقت چلا جب ایک نرس نے صبح آشا کو آواز لگائی اور اس کے جواب نہ دینے پر کمرے میں گئی تو آشا اور اس کا بیٹا کمرے میں مردہ پڑے تھے۔ انل کی لاش انبالہ کے کیسری میں ٹرین کی پٹریوں پر ملی۔

پولیس کے مطابق انل او ر آشا یمنا نگر گووند پوری میں واقع ایک نجی اسپتال میں ملازم تھے اور ڈیڑھ سالہ بیٹے کے ساتھ اسپتال سے ملے ایک کمرے میں ہی رہتے تھے۔ انل آئی سی یو اور آشا ڈائلاسیس میں کام کرتے تھے۔ ان کی چھ سال کی بیٹی بھی جو اپنی دادی کے ساتھ رہ رہی ہے۔
انل نے بیوی اور بیٹے کوقتل یا خودکشی کیوں کی یہ پتہ نہیں چل سکا ہے۔
ہسپتال کے ڈاکٹر ریپودمن گابا نے بتایا کہ میاں بیوی کے مابین کوئی تنازعہ تھا تو یہ بات پہلے کبھی سامنے نہیں آئی تھی۔
پولیس واقعہ کی جانچ کررہی ہے۔