ریاست ہریانہ اور ریاست راجستھان کے میوات میں کورونا وائرس کے کئی معاملے پازیٹو آنے کے بعد دونوں ریاستوں کی سرحد پر سکیورٹی انتظامات سخت کردئے گئے۔
راجستھان پولیس کی طرف سے آر اے سی دھولپور کے جوانوں کی تعیناتی کی گئی ہے جبکہ ہریانہ کی طرف سے نوح کی پولیس بارڈر پر تعینات ہے۔
ہریانہ اور راجستھان کے میوات میں مکمل مشابہت ہے اور آمدورفت بلا کسی روک ٹوک جاری رہتی ہے۔ نوح کے فیروزپورجھرکا سے پہاڑی سیکری اور نگر جانے والی شاہراہ کافی مصروف رہتی تھی۔
لیکن اب پوری طرح سے بارڈر سیل ہے۔ بارڈر پر پہلے رات میں کوئی ناکہ بندی نہیں تھی لیکن اب یہاں سے عمومی آمدورفت بند ہے۔ رات میں بھی دونوں ریاستوں کی سکیورٹی انتظامات سخت کردئے گئے ہیں۔ صرف لاک ڈاؤن / کرفیو پاس دیکھ کر ہی یہاں سے جانے دیا جاتا ہے۔
غورطلب ہے کہ ہریانہ میوات اور راجستھان میوات دونوں ہی جگہ کورونا کے پازیٹو کیس سامنے آئے ہیں۔ جس کے بعد بارڈر پر سکیورٹی انتظامات سخت کردئے گئے ہیں۔