میوات: تبلیغی جماعت کے تین افراد کورونا سے متاثر

نوح میوات میں تبلیغی جماعت کے تین افراد کی کورونا پازیٹیو کی رپورٹ آئی ہے۔

ریاست ہریانہ کے ضلع نوح میوات کے ڈپٹی کمشنر پنکج یادو نے کہا کہ مالب گاؤں میں نظام الدین دہلی سے آئی جماعت کو قرنطینہ میں رکھا گیا تھا۔

ان میں سے نو لوگوں کا سیمپل لے کر پی جی آئی روہتک بھیجا گیا تھا۔ مذکورہ افراد میں سے 3 تین لوگوں کی رپورٹ پوزیٹیو آئی ہے۔ اب ان تین لوگوں کو علان کے لئے شہید حسن خاں میواتی میڈیکل کالج نلہڈ بھیج دیا گیا ہے۔ ان تینوں افراد کا تعلق ریاست کیرل سے ہے۔

میوات : تبلیغی جماعت کے تین افراد میں کورونا پازیٹو کی رپورٹ

غورطلب ہے نظام الدین دہلی میں واقع تبلیغی مرکز میں کورونا کے مشتبہ مریض پائے جانے کے بعد تبلیغی جماعت سے گہرا تعلق رکھنے والے علاقہ میوات میں ضلع انتظامیہ الرٹ ہو گیا تھا۔ کئی جماعتوں کو قرنطینہ میں رکھا گیا ہے۔ فی الحال میوات میں یہی تین کیس اکٹیو ہیں۔