کسانوں پر دوہری مار: لاک ڈاؤن، ژالہ باری

ہریانہ کے ضلع حصار کے کئی گاؤں میں گزشتہ روز ہوئی تیز بارش اور اولے پڑنے کی وجہ سے گیہوں اور سرسوں کی فصلوں کو زبردست نقصان ہوا ہے۔

سماجی کارکن رندھیر بینیوال نے بتایا کہ 'شاہ پور، ماتر شیام سمیت کئی گاؤں میں اولے پڑنے کی وجہ سے فصلوں کو بہت نقصان ہوا ہے۔

کسانوں پر دوہری مار

انہوں نے کہا کہ گذشتہ دنوں تین بار ژالہ باری ہوئی ہے، اس سے پہلے بھی ان گاؤں میں اولے پڑنے اور شدید بارش کے سبب گیہوں اورسرسوں خصوصاً شاہ پور سے ماترشیام جانے والی سڑک کے دونوں جانب کھڑی سرسوں کی فصلوں کو شدید نقصان ہوا ہے۔

کسانون نے حکومت سے مطالبہ کیا ہے کہ وہ خراب فصلوں کا مناسب معاوضہ دے۔