کھٹر کے بیان پر کانگریس نے معافی کا کیا مطالبہ

ہریانہ کے وزیر اعلی منوہر لال کھٹر نے کانگریس کی رہنما سونیا گاندھی پر غیر مہذب تبصرہ کیا ہے۔جس کے بعد کانگریس معافی کا مطالبہ کر رہی ہے وہیں خواتین بھی برہم ہیں۔

ہریانہ کے وزیر اعلی منوہر لال کھٹر نے ایک انتخابی جلسہ کے دوران کانگریس صدر سونیا گاندھی پر غیر مہذب تبصرہ دیا ہے۔ جس کے بعد سیاسی گلیاروں میں ہنگامہ شروع ہوگیا ہے۔ کھٹر نے اپنے تقریر میں سونیا گاندھی کو مری ہوئی چوہیا بتایا ہے۔
وزیر اعلی کھٹر نے اپنی تقریر کے دوران کہا کہ ’یہ لوگ سارے ملک میں گھونے لگے کہ کانگریس کے لیے ایک قومی صدر مل جائے۔ گھومتے گھومتے تین مہینہ گزر گئے اور تین مہینے بعد بھی کون بنا۔ سونیا گاندھیڈ پھر وہیں گاندھی فیملی, یعنی کھودا پہاڑ نکلی چوہیا, وہ بھی مری ہوئی۔’

وزیر اعلی کھٹر کے اس بیان کے بعد ہنگامہ شروع ہوگیا ہے۔ کانگریس اس بیان پر برہم ہوگئی ہے اور فورا وزیر اعلی کھٹر سے معافی مانگنے کی اپیل کی ہے۔ آپ کو بتادیں کہ منوہر لال اپنی پارٹی کے خاتون امیداور کی حمایت میں ووٹ مانگنے پہنچے تھے اور اسی اسٹیج سے کسی دوسری خاتون پر غیر مہذب بیان دی گئی۔ جس کے بعد سے کانگریس رہنما ان سے لگاتار معافی مانگنے کی بات کر رہے ہیں۔ آپ کو بتادیں کہ ہریانہ کے وزیر اعلی منوہر لال کھٹر کے متنازعہ بیان کی آتش دہلی تک پہنچ چکی ہے۔ کانگریس آج دہلی میں احتجاجی مظاہر کرے گی۔ دہلی کی خواتین کانگریس کی صدر شرمشٹھا مکھرجی کی اگوائی میں کانگریس آج بی جے پی آفس کے باہر مارچ کرے گی اور وزیر اعلی کھٹر کا پتلہ بھی جلایا جائے گا۔