تاجر کو گولی مار کر بائیک سوار فرار

ریاست ہریانہ کے جیند میں بائیک پر سوار دو بدمعاشوں نے آج روہتک کے ایک تاجر کے پیر میں گولی مارکر ایک لاکھ 52 ہزار روپے لوٹ لیے۔

پولیس نے بتایا کہ روہتک کے باشندہ اور ڈسپوزل سپلائر راجو جیند میں دکانداروں سے پیمنٹ لینے آئے تھے۔ وہ اپنا کام نپٹانے کے بعد بس اڈے کی طرف جارہے تھے ، اسی دوران شہر کے گوہنا روڈ پر رانی تالاب کے پیچھے سے آئے لٹیروں نے ان کے ہاتھ سے پیسوں سے بھرے بیگ کو چھیننے کی کوشش کی، جب راجو نے مخالفت کی تو ایک بدمعاش نے راجو کے داہنے پیر میں گولی مار دی اور بیگ چھین کر فرار ہوگئے۔
راجو آٹو میں بیٹھ کر سول اسپتال پہنچے۔ اسپتال انتظامیہ نے پولیس کو مطلع کیا۔ راجو کو روہتک ریفر کیا گیا ہے۔
پولیس نے معاملہ درج کرکے تفتیش شروع کردی ہے۔