اس تعلق سے گجرات کے شہر احمدآباد کی انٹرنیشنل آرگنائزیشن آف یونائٹیڈ نیشنس وولنٹیئرس نامی تنظیم نے قومی یکجہتی کی اعلی مثال قائم کرتے ہوئے شہر کی متعدد سلم بستیوں میں بلا تفریق مذہب و ملت کھانے پینے کی اشیأ تقسیم کی۔
واضح رہے کہ احمدآباد کی مختلف جھونپڑیوں اور سلم بستیوں میں رہنے والے لوگوں کو لاک ڈاون کے دوران روزانہ کھانا روزی روٹی حاصل کرنے میں کافی دشواریوں کا سامنا کرنا پڑا اور انلاک ہونے کے باوجود ان غریبوں کی مشکلات کم ہونے کا نام نہیں لے رہی ہیں۔
احمدآباد میں قومی یکجہتی کی اعلی مثال قائم آج بھی ان علاقوں میں رہنے والے لوگوں کو متوازن خوراک نہیں مل پا رہی ہے۔ ایسے میں انٹرنیشنل آرگنائزیشن آف یونائٹیڈ نیشنس وولنٹیئرس نے ہر غریب بستی میں کھانا پہنچانے کا بیڑہ اٹھایا۔
اس تعلق سے انٹرنیشنل آرگنائزیشن آف یونائٹیڈ نیشنس وولنٹیرس کے اسٹیٹ کو آرڈینیٹر رضوان امبالیا نے کہا کہ 'ورلڈ فوڈ ڈے کے موقع پر تنظیم نے احمدآباد کے ہزاروں غریبوں کو کھانا ان کے گھر تک پہنچا کر دیا۔ تنظیم کے کارکنان نے پہلے غیر مسلم سلم بستیوں کا دورہ کیا اور علاقے کی خستہ حالت سے آگاہی حاصل کی جس کے بعد شہر کے ایسے تمام علاقوں میں کھانے پینے کی اشیأ تقسیم کی گئی'۔
احمد آباد کے علاقے شاہ پور میں واقع سلم بستی اندرا نگر چھاپرا کے رہنے والے سدھیر بتایا کہ 'لاک ڈاؤن کے دوران بستی کا ہر شخص پریشان تھا اور یہاں کے لوگوں کو کھانے پینے کی ہی سب سے زیادہ پریشانی رہی تب بھی مسلم برادری کے لوگوں نے اس مشکل وقت میں بستی کے لوگوں میں کھانا تقسیم کیا تھا اور اب ورلڈ فوڈ ڈے کے موقع پر بھی ان لوگوں نے غریبوں تک کھانا پہنچایا ہے جس سے یہاں کے لوگ کافی خوش ہیں۔
