گجرات کے پائے کے ولی اور قومی اتحاد کی علامت حضرت سید محمد سراج الدین شاہ عالم کا عرس مبارک کافی دھوم دھام سے منایا جاتا ہے اس موقع پر شاہ عالم درگاہ کو بڑی خوبصورتی سے سجایا جاتا ہے، یہاں عقیدت مندوں کا ازدیام امڑ آتا ہے، لیکن کورونا وائرس کے پیش نظر شاہ عالم سرکار کا عرس 14 جنوری سے سات فروری تک منسوخ کرنے کا فیصلہ کیا گیا ہے۔
اس تعلق سے شاہ عالم درگاہ کے خادم صوبہ خان پٹھان نے کہا کہ کورونا وائرس اور حکومت کی گائیڈ کے پیش نظر تمام پروگرامز اور تہوار سال 2020 میں نہیں مناےئے گئے، سال 2021 کے شروعات ہونے کے باوجود کوروناوائرس کا خطرہ کم نہیں ہوا، اس مہلک بیماری سے محفوظ رکھنے کے لیے اور حکومت کی گائیڈ لائن پر عمل کرتے ہوئے شاہ عالم درگاہ کے ٹرسٹیوں نےاس سال شاہ عالم سرکار کا 562 عرس منسوخ کرنے کا فیصلہ کیا ہے۔
عرس کے موقعے پر درگاہ میں لڈو تقسیم کرنے کی روایت ہے جسے رواں برس منسوخ کر دیا گیا ہے، ان کا کہنا تھا کہ اس سال ہم بے حد سادگی سے عرس منائیں گے، ایسے میں عوام سے اپیل ہے کہ وہ عرس منانے کے لیے درگاہ میں نہ آئیں اور کورونا سے اپنی حفاظت خود کریں۔