قتل کے الزام میں ملزم گرفتا

گجرات میں احمد آباد ضلع کے مانڈل علاقے میں دلت نوجوان کی مبینہ طور پر آنر کلنگ کے معاملے میں پولیس نے سات ملزمین کو گرفتار کیا ہے۔

پولیس سپرنٹنڈنٹ پی ڈی منور نے بتایا کہ دلت نوجوان ہریش سولنکی (23) کے قتل کے الزام میں اب تک آٹھ میں سے سات ملزمین کو گرفتار کرلیا گیا ہے اور 8 جولائی کو ہریش کے قتل کے بعد اس کی بیوی ارملا اپنے ایک رشتے دار کے گھر پر سنیچر کی شام صحیح سلامت مل گئی ہے۔

واضح رہے کہ دوسری ذات میں محبت کی شادی کے بعد 8 جولائی کو ارملا کے گھر والوں نے پولیس کی موجودگی میں دلت شوہر ہریش کو بے رحمی سے قتل کردیا تھا۔ کچھ ضلع کے گاندھی دھام کے رہنے والے ہریش سولنکی (23) نے تقریباً 8 ماۃ قبل احمد آباد ضلع کے مانڈل کے ورمورا گاؤں کی راجپوت (دربار)، ذات کی ایک لڑکی ارملا (22) سے شادی کرلی تھی۔

وہ ایک پرائیویٹ کمپنی میں ڈرائیور کے طور پر کام کرتا تھا ۔ بتایا جاتا ہے کہ دونوں معاشقہ ہونے کے بعد وہ فرار ہوگئے تھے۔

ارملا کچھ وقت تک ہریش کے گھر پر ہی رہی اور بعد میں اس کے والد درشن سنگھ جھالا مبینہ طور پر صلاح کرکے لڑکی کو اپنے ساتھ لے گئے تھے۔

اس کے بعد سے اس کا فون بند تھا اور اس کا کوئی پتہ نہیں چل پا رہا تھا۔ 8 جولائی کو ہریش جب پولیس کے ساتھ اپنی بیوی سے ملنے ورمورا گیا تو پہلے تو درشن نے اس سے صحیح طریقے سے بات جیت کی لیکن اس کے بعد اس نے اپنے چھ رشتے داروں کے ساتھ مل کر اس کی لاٹھی ڈنڈوں سے پٹائی اور گلا ریت کر بے رحمی سے اسے قتل کردیا۔

اس دوران وہاں موجود پولیس اہلکاروں نے بھی وہاں سے بھاگ پر اپنی جان بچائی اور نصب شب معاملہ درج کرایا۔ ارملا کے بھائی اندرجیت نے دھاردار ہتھیار سے ہریش کو گلا ریت کر قتل کیا تھا جس سے اس کی موت ہوگئی تھی۔