گجرات: گھر کے آنگن میں گانجے کے پودے اگانے والا شخص گرفتار

گجرات میں ضلع سریندر نگر کے وڈھوان علاقے میں گھر کے آنگن میں ایک شخص نے گانجا کے پودے اگا رکھے تھے، جنہیں برآمد کرکے پولیس نے اس شخص کو گرفتار کرلیا ہے۔

مقامی پولیس نے خفیہ اطلاع کی بنیاد پر کوٹھاریا گاؤں کے نزدیک شری اچھادھاری میلڈی ماں کے مندر کے احاطے میں بنونت داس جی گوڑ (70) کے گھر پر سنیچر کی دیر رات ایس او جی کی ٹیم نے چھاپہ مارا۔

اس دوران گھر کے آنگن میں غیر قانونی طور پر اگائےگئے گانجے کے 15کلو 700 گرام وزن کے پودے ضبط کرلیے گئے۔

ضبط شدہ گانجے کی بازاری قیمت 78 ہزار 500 روپئے درج کی جارہی ہے۔ پولیس نے کیس درج کرکے ضروری کارروائی شروع کردی ہے۔