گجرات اسمبلی کے ضمنی انتخابات پر گجرات ہائی کورٹ میں سماعت

ریاست گجرات میں کورونا وائرس کے قہر کے دوران اسمبلی کے آٹھ نشستوں پر ہونے والے ضمنی انتخابات کو ملتوی کرنے کے لیے گجرات ہائی کورٹ میں ایک درخواست دائر کی گئی تھی، جس میں الیکشن کمیشن نے گجرات ہائیکورٹ میں جواب پیش کرتے ہوئے کہا کہ ریاست کی آٹھ نشستوں پر ہونے والے ضمنی انتخابات پر کورونا وائرس کی حالت کا اندازہ کرنے کے بعد ہی فیصلہ لیا جائے گا کہ گجرات میں یہ ضمنی انتخابات ہونا چاہیے یا نہیں؟

اس سے قبل گجرات ہائی کورٹ نے الیکشن کمیشن کو گجرات میں کورونا وائرس کے دوران ضمنی انتخابات کا عمل کرانے کے معاملے پر وضاحت طلب کی تھی جس کا جواب گجرات ہائی کورٹ میں الیکشن کمیشن نے پیش کیا.جس میں کہا کہ گیا کورونا کے حالات کا اندازہ لگانے کے بعد گجرات میں فی الحال ضنمی انتخابات کرانا ہے یا نہیں اس پر فیصلہ لیا جائے گا ۔

اس تعلق سے درخواست کنندہ کی جانب سے دائر کردہ مفاد عامہ کی درخواست میں کہا گیا ہے کہ الیکشن کمیشن کے ذریعے اگست کے پہلے ہفتے میں گجرات کے آٹھ نشستوں پر ضمنی انتخابات کا اعلان ہو سکتا ہے۔ اگر موجودہ وقت میں کورونا وائرس کے قہر کے دوران گجرات میں انتخابات ہوتے ہیں تو گجرات میں کورونا کے قہر میں مزید اضافہ ہونے کا امکان ہے۔تاہم سیاسی جماعتوں نے اس انتخابات کے لیے اجلاس منعقد کرنا شروع کردیا ہے۔اس لیے ہمارا مطالبہ ہے کہ اس ضمنی انتخابات کو ملتوی کیا جائے ۔


واضح رہے کہ گجرات میں ہونے والے آٹھ اسمبلی کے ضمنی انتخابات 18.50لاکھ ووٹر کا شمار ہوتا ہے جن میں دو ہزار گاؤں کے افراد بھی شامل ہیں ۔اگر ووٹنگ کا عمل ہوتا ہے تو سیاسی کارکن پرچیوں کی تقسیم کے ساتھ ہی انتخابی مہم کے لیے گاؤں گاؤں بھی جائیں گے اور ای وی ایم کے استعمال سے کورونا وائرس کے کیسز میں مزید اضافہ ہو سکتا ہےاس لیے ان حالات میں انتخابات ملتوی کرنے کا مطالبہ کیا گیا ہے۔