فیبریک کمپنی میں چارمزدور ہلاک

ریاست گجرات کے ضلع احمدآباد کےکوٹھ علاقے میں ایک فیبرک کمپنی میں چار مزدوروں کی موت کا معاملہ سامنے آیا ہے۔

پولس نے اتوار کو بتایا کہ مبینہ طور سے دھونی گاؤں میں چریپال گروپ کی فیبرک کمپنی میں چار ٹھیکہ مزدور سنیچر کو کیمیکل ٹینک کی صفائی کرنے اس میں اترے تھے۔

صفائی کے دوران گیس رسنے سے چاروں مزدوروں کی جائے واقع پر ہی موت ہوگئی۔

ہلاک ہونے والے مزدوروں کی شناخت سانند کے ہٹیپور کے رہنے والے میور بھائی (19)، وجے بھائی (21)، پربھو بھائی (25) اور دھونکا کے کیسرگڑھ کے پروین راٹھور (25) کے طور پر ہوئی ہے۔

پولس نے اس سلسلے میں معاملہ درج کرکے جانچ شروع کردی ہے۔