بی جے پی کی ناکامی وزیراعلی بدلنے سے نہیں چھپ سکتی: کانگریس

گجرات وزیراعلیٰ کے عہدے سے وجے روپانی کے استعفیٰ کے بعد گجرات کانگریس نے کہا کہ وزیراعلیٰ تبدیل کر دینے سے حکومت کی ناکامی چھُپ نہیں سکتی۔

گجرات اسمبلی میں حزب اختلاف کانگریس کے ریاستی صدر امت چاوڑہ نے کہا کہ وزیر اعلیٰ وجے روپانی کے استعفیٰ سے بی جے پی حکومت کی واضح ناکامی چھپ نہیں سکتی ہے۔

امت چاوڑہ نے نامہ نگاروں کو بتایا کہ حکومت کی ناکامی وزیراعلیٰ بدلنے سے نہیں چھپ سکتی ہے۔

انہوں نے الزام لگایا کہ ریاست میں کورونا وائرس کی وجہ سے تین لاکھ سے زائد افراد لقمہ اجل بن چکے ہیں۔ بی جے پی کی حکومت میں کسانوں کو متعدد مشکلات کا سامنا ہے اور وہ خودکشی کرنے پر مجبور ہو رہے ہیں۔

گجرات کانگریس کے ریاستی صدر امت چاوڑہ نے کہا کہ 'ریاست میں نوجوانوں میں بے روزگاری کی شرح انتہائی زیادہ ہے۔ انہوں نے دعویٰ کیا کہ حال ہی میں جب بی جے پی نے ریاست میں ابھینندن یاترا شروع کی تھی اسی وقت اسے پتہ چل گیا تھا کہ وجے روپانی کی وداعی طے ہے۔