پورے ملک میں کورونا وائرس سے پیدا شدہ تشویشناک حالات کے سبب اسکول و کالج بند ہیں۔ جس کے سبب طلبا کو مختلف پریشانیوں کا سامنا کرنا پڑ رہا ہے۔
طلباء کی پریشانی دور کرنے کے لیے آن لائن کیرئیر گائڈنس اینڈ کاونسلنگ سینٹر کا قیام
ریاست گجرات میں طلباء کی پریشانیوں کو دور کرنے کے لیے جماعت اسلامی ہند کی تنظیم اسٹوڈنٹ اسلامک آرگنائزیشن آف انڈیا(ایس آئی او) کی گجرات برانچ نے 8 جون سے "آن لائن کیرئیر گائڈنس اینڈ کاونسلنگ سینٹر" قائم کیا ہے۔
کورونا کے سبب طلبا آن لائن تعلیم سرگرمیوں سے مختلف ذہنی پریشانیوں کا شکار نظر آ رہے ہیں۔ طلبا کی ان تمام پریشانیوں کو حل کرنے کے لئے جماعت اسلامی ہند کی تنظیم اسٹوڈنٹ اسلامک آرگنائزیشن آف انڈیا(ایس آئی او) کی گجرات برانچ نے "آن لائن کیرئیر گائڈنس اینڈ کاونسلنگ سینٹر" قائم کیا ہے، جو 8 جون سے 28 جون تک جاری رہے گا۔
اس تعلق سے ایس آئی او گجرات کے سیکریٹری منور حسین نے کہا کہ اسٹوڈنٹ اسلامک آرگنائزیشن آف انڈیا طلبا اور نوجوانوں کے لیے کام کرتی ہے۔ موجودہ دور میں کورونا وائرس کے سبب طلبا کو مختلف پریشانیاں اٹھانی پر رہی ہیں، خاص طور سے کیریئر گائیڈنس اور اقتصادی پریشانیوں کے سبب طلبا الجھن کا شکار نظر آ رہے ہیں۔ جس کے لیے ہم نےآن لائن کیرئیر گائڈنس اینڈ کاونسلنگ سینٹر شروع کیا ہے جس کے تحت چار طریقوں سے طلبا کی پریشانیاں دور کی جائیں گی ۔جس میں سائیکلوجیکل ایسیوز، کیرئیر گائڈنس ،اسکالر شپ گائڈنس، اسٹڈی ریلیٹیڈ ایشیوز، ان چار ڈومین کے تحت طلبا یا والدین ہم سے رابطہ کر سکتے ہیں اور ہم ایکسپرٹس کے زریعے ان کی کاونسلنگ کروائیں گے۔