آج ایک اعلیٰ سطحی میٹنگ کے دوران وزیر اعلیٰ وجئے روپانی نے عوام کو یقین دہانی کراتےہوئے کہا کہ مزدوروں ، غریبوں اور مزدور خاندانوں کے چار کروڑ کنبے کو لاک ڈاؤن کے دوران کھانے پینے میں کوئی پریشانی نہ ہو، اس لیے راشن کارڈ ہولڈر خاندانوں کو یکم اپریل سے سرکار نہایت کم قیمتوں پر اناج کی دکان سے ایک ماہ کے لئے فراہم کیا جائے گا۔
فی شخص 3.50 کلو گیہوں، 1.50 کلو چاول فی شخص اور ایک کلو چینی فی کنبہ، ایک کلو دال اور ایک کلو نمک مفت دیئے جائیں گے۔
وجئے روپانی نے کہا ہے کہ ریاستی حکومت نے شہریوں کو کورونا وائرس کی زد سے بچانے کے لئے اس طرح کے چھوٹے اور غریب خاندانوں کو لاک ڈاؤن کے دوران کسی طرح کی پریشانی نہیں اٹھانی پڑے، اسلیے حکومت نے یہ اہم فیصلہ لیے ہیں۔
انہوں نے یہ بھی کہا کہ ریاستی حکومت سنجیدگی سے منصوبہ بنا رہی ہے کہ اس بات کو یقینی بنایا جائے کہ آئندہ کسی بھی ضروری سامان کی فراہمی یا کسی اور ضروری خدمات کی فراہمی میں کوئی پریشانی پیش نہ آئے۔
وزیر اعلیٰ وجئے بھائی روپانی نے ایک بار پھر تمام بھائیوں اور بہنوں سے اپیل کی ہے کہ ان 21 دنوں کے دوران سب گھر میں رہیں، باہر جمع نہ ہوں، ریاست میں ضروری سامان کی کافی فراہمی ہے اور اس بات کا اندیشہ کرنے کی ضرورت نہیں ہے کہ کسی طرح کی چیزیں موجود نہیں ہوں گی اور گھروں میں ذخیرہ کرنے کی کوئی ضرورت نہیں ہے۔ اس لئے کسی کو بھی ڈرنے کی ضرورت نہیں ہے۔
