'گجرات ماڈل میری اولین ترجیح ہوگی'

ریاست گجرات کے نو منتخب گورنر اچاریہ دیو ورت نے اپنے عزم کا اعادہ کرتے ہوئے ای ٹی وی بھارت سے خصوصی بات چیت میں کہا کہ 'جس طرح میں ہماچل پردیش میں کام کرتا رہا ہوں اسی طرح گجرات میں بھی مختلف اسکیموں کو نافذ کرکے لوگوں کے فائدے کے لیے کام کرتا رہوں گا'۔

گورنر اچاریہ دیو ورت نے ای ٹی وی بھارت سے بات چیت کرتے ہوئے کہا کہ میں وزیراعظم نریندر مودی کا شکریہ ادا کرتا ہوں جنہوں نے مجھے اس ریاست کا گورنر مقرر کیا۔

انہوں نے مزید کہا کہ وزیراعظم نریندر مودی اسی گجرات کے وزیراعلی تھے اور انہوں نے گجرات ماڈل کے لیے جس تیزی سے کام کیا تھا اور ریاست کو ملک میں ایک الگ پہچان دلائی، وزیراعظم کے طریقے پر کا م کرتے ہوئے ریاست کو ترقی کی اونچائی تک پہنچانا میری اولین ترجیح ہوگی۔

گورنر نے کہا کہ 'سبھاش پالیکر پراکریتک کرشی' کا جو ماڈل گزشتہ دو تین برس میں تیار کیا گیا ہے، مجھے یقین ہے کہ وہ مستقبل میں بھی جاری رہے گا اور میں بھی کسانوں کے درمیان جا کر اس اسکیم کے تحت انکو فائدہ پہنچانے کی کوشش کرتا رہوں گا۔

انہوں نے مزید کہا کہ جس طرح میں ہماچل پردیش میں کام کرتا رہا ہوں ایسی طرح گجرات میں بھی مختلف اسکیموں کو نافذ کرکے لوگوں کے فائدے کے لیے کام کرتا رہوں گا