گجرات میں کورونا وائرس کے نئے معاملوں میں پہلے سے کمی دیکھی جارہی ہے۔ گزشتہ دو ماہ کے بعد پیر کے روز سے گجرات میں 1 ہزار سے بھی کم نئے معاملے درج کیے گئے ہیں۔
اس دوران کورونا سے ہلاک ہونے والے مریضوں کی تعداد میں کمی دیکھی جارہی ہے۔ وہیں کورونا سے صحتیاب ہونے والے مریضوں کی تعداد میں بھی نمایاں اضافہ ہو رہا ہے۔
گجرات میں کورونا وائرس سے مرنے والوں کی کل تعداد 4282 تک پہنچ چکی ہے۔ گزشتہ 24 گھنٹوں کے دوران 7 افراد ہلاک ہوئے ہیں اور 850 نئے معاملے سامنے آئے ہیں۔
ریاست میں اب تک کل 241845 مثبت معاملے سامنے آئے ہیں جبکہ کورونا کو شکست دے کر گھر لوٹنے والوں کی کل تعداد 227128 پر پہنچ گئی ہے. تاہم گزشتہ 24 گھنٹوں کے دوران 920 افراد کو اسپتالوں سے ڈسچارج کیا گیا ہے۔
یہ بھی پڑھیے
یوم تاسیس کے موقع پر کانگریس کی ترنگا یاترا
واضح رہے کہ موجودہ وقت میں گجرات میں 10435 معاملے ایکٹیو ہیں، ان میں سے 63مریض وینٹی لیٹر پر ہیں جبکہ 10372 افراد کی حالت مستحکم ہے۔
محکمہ صحت گجرات کے مطابق گزشتہ 24 گھنٹوں میں گجرات میں کورونا کے سب سے زیادہ معاملے احمدآباد میں 172 درج کیے گئے ہیں۔ اس کے بعد سورت میں 126، وڈودرا میں 105، گاندھی نگر میں 13، بھاونگر میں 4 بناس کانٹھا میں، 6 راجکوٹ میں، 61 سریندر نگر میں، 11 پاٹن میں، 6 امریلی میں، 9 جام نگر میں، 5 مہسانہ میں 22 اور کچھ میں 26 معاملے درج ہوئے ہیں۔