کشمیر: تازہ برفباری سے سردی میں اضافہ

وادی کشمیر کے بیشتر میدانی علاقوں میں بارشیں جبکہ بعض بالائی علاقوں میں تازہ برفباری کے سبب سردی میں اضافہ ہوا ہے۔

وادی کشمیر کے بیشتر علاقوں کی طرح وسطی کشمیر کے ضلع گاندربل میں بھی بارشوں کا نہ تھمنے والا سلسلہ جاری ہے۔

ضلع گاندربل میں گزشتہ 24 گھنٹوں سے جہاں رک رک کر بارشیں ہو رہی ہیں، وہیں مشہور مقام سونہ مرگ اور اس کے مضافاتی علاقوں میں تازہ برفباری سے ایک بار پھر سردی میں اضافہ ہوا ہے۔

زوجیلا، دراس، گگن گیر اور گنڈ میں بھی تازہ برف باری ہوئی ہے جس کے سبب ٹریفک حکام نے سونہ مرگ - کرگل شاہراہ کو ٹریفک کی نقل و حرکت کے لیے بند کر دیا گیا ہے۔

دریں اثنا، محکمہ موسمیات نے 15مارچ تک موسم خراب رہنے کی پیش گوئی ہے۔