نالہ سندھ سے خاتون کی لاش برامد

ایک ہفتہ قبل اسی علاقہ میں ایک لڑکی لاپتہ ہوئی تھی جس کی شناخت روبینہ اختر ولد عبدالمجید خان ساکنہ گونچی محلہ کنگن بتائی جا رہی ہے۔

جموں و کشمیر کے واسطی ضلع گاندربل کے گونچی محلہ کنگن علاقے سے نالہ سندھ سے ایک خاتون کی لاش برآمد کی گئی جس کی شناخت ابھی تک نہیں ہو پائی ہے۔
قابل ذکر ہے کہ مزکورہ علاقہ کی ہی ایک دوشیزہ گزشتہ چھ روز سے لاپتہ ہے۔ جس کی شناخت روبینہ اختر ساکنہ گونچی محلہ کنگن بتائی جا رہی ہے۔

دوشیزہ کے شوہر عبدالمجید کا کہنا ہے کہ انہوں نے روبینہ کی گمشدگی کی رپورٹ پولیس اسٹیشن کنگن میں درج کی ہے۔ ادھر پولیس کا کہنا ہے کی بازیاب کی گئی نعش کی شناخت ابھی تک نہیں ہو پائی ہے۔ میڈیکل رپورٹ آنے کے بعد ہی مصدقہ طور پر کچھ کہا جا سکتا ہے۔مقامی نوجوان اور پولیس نے دوشیزہ کی لاش نالہ سندھ سے بازیاب کر کے پوسٹ مارٹم کے لیے ہسپتال منتقل کر دی ہے۔