گاندربل: تیز رفتار ٹپر نے راہگیر کو کچل ڈالا

ضلع گاندربل میں منگل کو دلدوز سڑک حادثے میں ایک شخص ہلاک ہو گیا۔

وسطی کشمیر کے ضلع گاندربل کے نونر علاقے میں منگل کی دوپہر ایک نوجوان تیز رفتار ٹپر کی زد میں آکر ہلاک ہوگیا۔

عینی شاہدین کے مطابق ایک تیز رفتار ٹپر نے راہگیر کو ٹکر ماری جس کے نتیجے میں وہ موقع پر ہی ہلاک ہو گیا۔

فوت ہونے والے 14سالہ لڑکے کی شناخت ساحل حسن راتھر ولد غلام حسن راتھر ساکنہ سرژ، گاندربل کے طور پر ہوئی ہے۔

گاندربل پولیس نے بتایا کہ ڈرائیور کو گرفتار کر کے ٹپر کو بھی ضبط کر لیا گیا۔

انہوں نے کہا کہ اس سلسلے میں ایک کیس درج کرکے مزید کارروائی شروع کر دی گئی ہے۔