CRPF Vehicle Accident in Ganderbal: گاندربل میں سی آر پی ایف گاڑی کا حادثہ، چھہ اہلکار زخمی

وسطی کشمیر کے ضلع گاندربل کے واسکورہ علاقے میں سی آر پی ایف کی دو گاڑیوں کے مابین آپسی ٹکر کے نتیجے میں چھ اہلکار زخمی ہوگئے۔ زخمی اہلکاروں کو علاج ومعالجہ کی خاطر نزدیکی ہسپتال منتقل کیا گیا۔ CRPF Vehicle Accident in Ganderbal

گاندربل:جموں وکشمیر کے وسطی ضلع گاندربل کے واسکورہ علاقے میں سی آر پی ایف کی دو گاڑیوں کے مابین آپسی ٹکر کے نتیجے میں چھ اہلکار زخمی ہوگئے۔ زخمی اہلکاروں کو علاج و معالجہ کی خاطر نزدیکی ہسپتال منتقل کیا گیا۔ Six CRPF personnel injured in road accident

سرکاری ذرائع نے بتایا کہ ہفتے کی سہ پہر گاندربل کے واسکورہ علاقے میں سی آر پی ایف کی دو گاڑیوں کے درمیان زور دار ٹکر ہوئی جس کے نتیجے میں چھ اہلکار شدید طورپر زخمی ہوگئے۔ مقامی لوگوں نے زخمی اہلکاروں کو علاج و معالجہ کی خاطر نزدیکی ہسپتال منتقل کیا جہاں سے ابتدائی مرہم پٹی کے بعد انہیں جے وی سی سرینگر ریفر کیا گیا۔ وہیں ذرائع کے مطابق زخمیوں میں سے دو اہلکاروں کی حالت نازک بنی ہوئی ہے۔ پولیس نے معاملے کی نسبت کیس درج کرکے مزید تحقیقات شروع کی۔

وہیں دوسرے ایک سڑک حادثے میں دو پولیس اہلکار زخمی ہوئے ہیں جن میں سے ایک کی حالت تشویشناک بنی ہوئی ہے۔ ذرائع کے مطابق ہفتے کی سہ پہر کو شالہ ٹینگ سرینگر میں جموں و کشمیر پولیس کے اہلکاروں نے ناکہ لگایا جس دوران ایک سکوٹی کو رکنے کا اشارہ کیا گیا۔
ذرائع کا کہنا ہے کہ ڈرائیور سکوٹی پر کنٹرول نہ رکھ سکا جس دوران وہ ناکہ چیکنگ پر مامور دو پولیس اہلکاروں کے ساتھ جا ٹکرایا جس وجہ سے دونوں شدید طورپر زخمی ہوئے جنہیں علاج ومعالجہ کی خاطر نزدیکی ہسپتال منتقل کیا گیا۔زخمی پولیس اہلکاروں کی شناخت ہیڈ کانسٹیبل اشفاق احمد اور کانسٹیبل غلام مرتضیٰ کے بطور ہوئی ۔ذرائع کے مطابق کانسٹیبل غلام مرتضیٰ کو تشویشناک حالت میں صورہ میڈیکل انسٹی چیوٹ منتقل کیا گیا۔پولیس نے معاملے کی نسبت کیس درج کرکے مزید تحقیقات شروع کی