گاندربل: منشیات، نقدی سمیت اسمگلر گرفتار

وسطی کشمیر کے ضلع گاندربل میں جموں و کشمیر پولیس نے بھنگ اور لاکھوں روپے نقدی سمیت ایک منشیات فروش کو گرفتار کر لیا ہے۔

گاندربل پولیس نے ڈرگ مافیا کے خلاف کارروائی کرتے ہوئے بھنگ اور نقدی سمیت ایک منشیات فروش کو گرفتار کرکے اسکے خلاف مقدمہ درج کر لیا۔

پولیس ذرائع کے مطابق جموں و کشمیر پولیس نے پیرپورہ کھژن میں ایک ناکہ کے دوران مشکوک شخص کی تلاشی عمل میں لائی جس دوران اس شخص کے قبضے سے پالی تھین بیگ میں قریب 900 گرام ممنوعہ بھنگ اور دو لاکھ چالیس ہزار روپے نقدی برآمد کرکے اسمگلر کو گرفتار کر لیا گیا۔

پولیس ذرائع نے گرفتار کیے گئے اسمگلر کی شناخت ناران باغ کے گلزار احمد المعروف گل سعید کے طور پر کی ہے۔

پولیس تھانہ گاندربل نے اس ضمن میں ایف آئی آر نمبر 20/8S/U2021/03 درج کرکے مزید تفتیش شروع کر دی ہے۔