گاندربل میں آتشزدگی، کئی مکانات خاکستر

وسطی کشمیر کے ضلع گاندربل میں آگ کی دو الگ الگ وارداتوں میں کئی رہائشی مکان جل کر خاکستر ہوگئے۔

اطلاعات کے مطابق ہفتہ کے روز بعد دوپہر چھترگل علاقے میں آگ لگ گئی جس نے ایک رہائشی مکان کو راکھ کی ڈھیر میں تبدیل کردیا۔

دو بھائی کا ایک ہی مکان تھا جسکی وجہ سے دونوں کنبے بے گھر ہوگئے۔

ابھی فائر بریگیڈ عملہ چھترگل میں ہی تھا کہ تحصیل کے برنابغ علاقے میں بھی آگ کی ایک خبر آئی اور عملے کو فوراً جائے واردات پر بھیج دیا گیا۔

مقامی لوگوں کے مطابق آگ لگنے کی اطلاع ملنے پر اگر چہ فائر بریگیڈ عملہ موقعے پر پہنچا لیکن تب تک مکان خاکستر ہوچکا تھا۔

علاقے کے لوگوں نے گورنر انتظامیہ سے متاثرہ کنبے کی بھر پور مدد کرنے کی اپیل کی ہے