Drug Peddler Arrested گاندربل میں منشیات فروش گرفتار

گاندربل میں پولیس نے وانٹڈ ڈرگ اسمگلر کو گرفتار کرنے میں کامیابی حاصل کی ہے۔ اس کے قبضے سے تلاشی کے دوران ممنوعہ 11 کلو بھنگ پاؤڈر ضبط کر لیا گیا۔ ڈرگ سمگلر کی شناخت نذیر احمد راتھر ولد محی الدین راتھر ساکنہ گنائی محلہ واکورہ کے طور پر ہوئی ہے۔

جموں و کشمیر کے گاندربل میں پولیس نے وانٹڈ ڈرگ اسمگلر کو گرفتار کرنے میں کامیابی حاصل کی ہے۔ گاندربل پولیس نے علاقہ شادی پورہ سے منشیات فروش کو گرفتار کیا ہے اور اس کے پاس سے نشیلی اشیاء بھی برآمد کیا ہے۔ سماج سے منشیات کی لعنت کو ختم کرنے کی کوششوں کو جاری رکھتے ہوئے گاندربل پولیس نے اس کارروائی کو انجام دیا ہے۔

واکورہ علاقے میں پولیس گشت کے دوران، ڈی او شادی پورہ کی قیادت میں پولیس پارٹی نے منشیات فروش کو گرفتار کیا اور اس کے قبضے سے تلاشی کے دوران ممنوعہ 11 کلو بھنگ پاؤڈر ضبط کر لیا گیا۔ ڈرگ سمگلر کی شناخت نذیر احمد راتھر ولد محی الدین راتھر ساکنہ گنائی محلہ واکورہ کے طور پر ہوئی ہے۔

بتایا جا رہا ہے کہ مذکورہ ملزم کے خلاف پہلے این ڈی پی ایس کے تین ایف آئی آر، جن میں سے پولیس اسٹیشن گاندربل میں دو اور پولیس اسٹیشن کھیرباوانی میں ایک درج ہیں۔ وہیں آج اس کے خلاف چوتھا ایف آئی آر نمبر 316/2022 پی ایس گاندربل میں درج کر کے تحقیقات شروع کر دیا گیا ہے۔ وہیں پولیس نے عام لوگوں سے درخواست کی ہے کہ وہ اپنے علاقہ میں منشیات کی سرگرمیوں کے حوالے سے پولیس کو مطلع کریں تاکہ منشیات فروشوں کے خلاف بروقت کارروائی کی جا سکے۔ لائ جا سکے۔