ڈائریکٹر جنرل آف پولیس کا ضلع گاندربل کا دورہ

ڈائریکٹر جنرل آف پولیس دلباغ سنگھ نے وسطی کشمیر ضلع گاندربل کا دورہ کرکے ضلع میں سیکیورٹی صورتحال اور قرنطینہ سینٹر کا جائزہ لیا۔

دلباغ سنگھ نے کہا کہ جموں کشمیر پولیس اور دیگر سیکیورٹی ایجنسیوں کے ساتھ ساتھ فور فرنٹ پر کام کر رہے محکمہ صحت اور میونسپل کمیٹی کا بھی اس لڑائی میں اہم رول ہے۔

انہوں نے کہا کہ سب سے زیادہ اہم رول ان لوگوں کا ہے جو اس لاک ڈاؤن میں بھی اپنے ہی گھروں میں بیٹھے ہیں اور دوسروں کو بھی باہر جانے سے روکتے ہیں۔

ڈی جی پی نے گاندربل پولیس ہیڈکوارٹر میں ضلع کے اعلی عہدیدار کے ساتھ ایک میٹنگ بھی کی جس میں پولیس، سی آر پی ایف، آئی ٹی بی پی، ایس ایس بی، اور ضلع انتظامیہ کے افسران موجود رہے۔