سندھ جنگلات سے سر سبز درختوں کی کٹائی جاری

سندھ رینج کے اکہال سترینہ کے کمپارٹمنٹ نمبر 12 اور 13 میں گزشتہ کئی دنوں سے برفباری کے باوجود جنگل سمگلروں نے کئی سر سبز درختوں کو زمین دوز کیا ہے اور ان کو دوسرے علاقوں میں سمگل کرنے کی تاک میں ہیں۔

برفباری سے قبل جہاں جنگل میں سمگلر اپنی سرگرمیاں جاری رکھے ہوئے تھے وہیں برفباری کے بعد بھی انہوں نے اپنی سرگرمیوں کو جاری رکھا ہے اور محکمہ جنگلات، پروٹکشن فورس نے کئی کاروایاں کرکے عمارتی لکڑی بھی ضبط کی۔

مقامی ذرائع کے مطابق جنگل سمگلر دن کے اجالے میں جنگلوں میں جا کر سر سبز درختوں کو بے دریغ کٹائی کر کے سمگل کرتے ہیں۔ معاملے کے حوالے سے رینج افسر سندھ سے جانکاری حاصل کی گئی لیکن انہوں نے اس خبر کو غلط قرار دیتے ہوئے کہا کہ کچھ لوگ جنگلات کو بدنام کرنے کی کوشش کر رہے ہیں۔

ذرائع نے بتایا کہ دیر گئے فارسٹ پروٹکشن فورس نے اس عمارتی لکڑی کو ضبط کیا لیکن کاٹی گئی لکڑی میں سے بیشتر لکڑی کو جنگل سمگلر دوسرے علاقے میں سمگل کی۔

بتایا جاتا ہے کہ سندھ جنگلات گزشتہ کئی روز سے زوجیلا کے بہانے تین سو سے زیادہ درخت بغیر اجازت کاٹے گئے۔ اس تعلق سے عوامی سطح پر سخت سے سخت کاروائی کرنے کا مطالبہ کیا جا رہا ہے۔ یہاں رینج افسر کو معطل کرکے غیر جانبدارانہ طریقے سے تحقیقات کرنے کا مطالبہ ہے۔