جموں و کشمیر کے ضلع گاندربل میں آج محکمہ زراعت کی جانب سے کسٹم ہائرنگ سینٹر کا افتتاح کیا گیا ہے، جس میں محکمہ زراعت کے افسران نے کسانوں کے لیے درکار ان تمام مشینری کے دستیاب کو یقینی بنایا گیا ہے، جس سے مقامی کسان مشینری سے فائدے حاصل کرکے اپنے کام کو آسان کرسکتے ہیں۔ مقامی لوگوں نے محکمہ زراعت کے اس اقدام کی سراہنا کی ہے۔
گاندربل: محکمہ زراعت نے کسٹم ہائرنگ سینٹر کا افتتاح کیا کسٹم ہائرنگ سینٹر کا افتتاح محکمہ زراعت کشمیر کے جوائنٹ ڈائریکٹر محمد مظفر نے گاندربل کے چیف ایگریکلچر آفیسر غلام محمد دھوبی اور سب ڈویژنل ایگریکلچر آفیسر بشیر احمد عالمگیر کی موجودگی میں کیا گیا۔
کسٹم ہائرنگ سینٹر کے قیام کی ضرورت کے متعلق محکمہ زراعت کشمیر کے جوائنٹ ڈائریکٹر محمد مظفر ہورا نے کہا کہ دراصل محکمہ زراعت کی ہمیشہ یہ کوشش رہی ہے کہ ایسے مراکز کھولے جائیں جس سے کسانوں کو راحت ملے اور پڑھے لکھے بے روزگار نوجوانوں کو روزگار بھی فراہم ہوسکے۔
محکمہ زراعت کے جوائنٹ ڈائریکٹر نے اس سینٹر کے کھولنےکا پس منظر بیان کرتے ہوئے کہا کہ اس علاقے کا ایک اعلیٰ تعلیم یافتہ نوجوان نے ہمارے محکمہ میں اپنی بے روزگاری کی داستان بیان کی، جس کے بعد افسران نے فورا اس نوجوان کے لیے محکمہ کے قواعد ضوابط کے مطابق ایک ایسا سینٹر کھولا جس میں کسانوں کے لیے درکار تمام مشینری کو دستیاب رکھا گیا ہے۔ جس میں کسان بہت کم ریٹ پر ان مشینوں کا استعمال اپنے کھیتوں میں کرسکیں گے اور اس کا کرایہ ادا کرکے ایسے بے روزگار نوجوان کو روزگار بھی میسر ہوتا رہے گا۔
انہوں نے کہا کہ بڑھتی بے روزگاری پر قابو پانے کے لیے اور کسانوں کو مزید سہولیات فراہم کرنے کے لیے اس قسم کے مزید کسٹم ہائرنگ سینٹرز کھولنے کی ضرورت ہے۔
