گاندربل : آرمی کی جانب سے ٹریڈ میلے کا انعقاد

میلے میں متعدد کاروباری افراد نے کشمیری دستکاری، تانے بانے کے اسٹالز اور خشک میوہ جات کے اسٹالز لگائے تھے۔ اس دوران بچوں کے لئے مختلف کھیلوں کا انعقاد کیا گیا۔

صوبہ کشمیر کے ضلع گاندربل کے مامر علاقے میں آج فوج کی پانچ راشٹریہ رائفلز کی جانب سے ٹریڈ میلے کا انعقاد کیا گیا۔ یہ ٹریڈ میلہ مقامی تجارت کو فروغ دینے اور نوجوانوں کو عسکریت پسندی اور نشہ آور چیزوں کے استعمال سے دور رکھننے کے مقصد نے منعقد کیا گیا۔

میلے میں متعدد کاروباری افراد نے کشمیری دستکاری، تانے بانے کے اسٹالز اور خشک میوہ جات کے اسٹالز لگائے تھے۔ اس دوران بچوں کے لئے مختلف کھیلوں کا انعقاد کیا گیا۔

میلے میں کشمیری گلوکار ساحل ہلال نے بھی اپنے موسیقی کا ہنر دکھایا اور اس کے علاوہ مارشل آرٹس کے کچھ کرتب بھی دکھائے گئے۔

وہیں مقامی افراد کے لیے مفت میڈیکل کیمپ بھی لگایا گیا، جس میں چھوٹے بچوں سے لے کر بزرگوں تک سبھی کا مفت علاج کیا گیا اور مفت ادویات بھی تقسیم کی گئیں۔

پروگرام میں 1500 سے زائد افراد نے شرکت کی۔ اختتامی تقریب کے دوران مختلف کھیلوں کے فاتحین کو اعزازات سے نوازا گیا۔