گاندربل: ہنر سے روزگار کے تحت نوجوانوں کیلئے تربیتی کورس کا آغاز

ضلع گاندربل میں نوجوانوں کو از خود روزگار کمانے کی غرض سے ایک ماہ کا تربیتی کورس فراہم کیا جا رہا ہے۔

نوجوانوں کے لیے قابل رسائی، باعث روزگار اور مفت تربیت فراہم کرنے کے مقصد سے فوج نے انسٹی ٹیوٹ آف ہوٹل مینجمنٹ، سری نگر کے اشتراک سے ضلع گاندربل میں تربیتی کورس کا آغاز کیا۔

کھانا پکانے کے شوقین نوجوانوں کے لیے ’’ہنر سے روزگار تک‘‘ مہم کے تحت ایک ماہ کا تربیتی کورس شروع کیا جا رہا ہے۔

تربیتی کورس میں علاقے کے 15 نوجوانوں کو ماہرین تربیت فراہم کر رہے ہیں۔ کورس کے اختتام پر انہیں IHM، سرینگر کی جانب سے اسناد سے بھی نوازا جائے گا۔

منتظمین کے مطابق کورس کا بنیادی مقصد ہنرمند اور قبل نوجوانوں کو تربیت فراہم کرنا ہے تاکہ وہ اپنے شوق کو پورا کرنے کے علاوہ اسے وسیلہ روزگار بھی بنا سکیں۔