وسطی ضلع گاندربل کے کنگن علاقے میں محکمہ زراعت کی جانب سے مگس بانی کا دن منایا گیا جس میں مّحکمہ زراعت کے چیف ایگریکلچر آفیسر گاندربل کے علاوہ دیگر افسران اور لوگوں کی خاصی تعداد موجود تھی۔
اس موقعہ پر شہد کی مکھیوں کے اہمیت کے بارے میں شرکا نے تفصیلی روشنی ڈالی۔ انہوں نے کہا کہ آج کے اس دور میں شہد کا اچھا مارکیٹ دستیاب ہے۔
انہوں نے پروگرام میں آئے لوگوں سے کہا کہ وہ شہد کے مکھیوں کو پالنے کیلئے فارم تیار کرے تاکہ اس کی پیدوار کو مزید فروغ ملے۔
انہوں نے کہا کہ شہد قدرتی طور پر صحت کیلئے مفید ہے ہمیں چاہئے کہ ہم اس کاروبار کو بڑھاوا دینے کیلئے اس کی طرف راغب ہو جائے۔ انہوں نے محکمہ زراعت کی جانب سے اس فارم کو لگانے میں ہر فرد کو بھرپور تعاون دینگے تاکہ وہ اپنی روزی روٹی اس سے کمائے۔