تعمیراتی کام میں ناقص مٹیریل استعمال کرنے کا الزام

گاندربل کی سرژ بالا علاقے میں ہاسٹل کے باتھ روم کی تعمیر میں ناقص مٹیریل اور پرانی چیزیں استعمال کی گئی ہیں۔

ضلع گاندربل کی سرژ بالا علاقے میں تعمیر ہو رہا مڈل اسکول کے باتھ روم میں ناقص میٹیریل لگایا جا رہا ہے۔

واضح رہے یہ باتھ روم سرکاری سکول میں تعمیر ہو رہا ہے جس میں بہت ساری پرانی چیزیں لگا کر کام کو پائے تکمیل تک پہنچایا گیا۔

اس دوران نمائندے نے جب اس باتھ روم کی لاگت کے تعلق سے پتہ کیا کہ یہ کون سا محکمہ کام انجام دے رہا ہے تو پتہ چلا کہ یہ کام رورل ڈیولپمنٹ ڈیپارٹمنٹ انجام دے رہا ہے۔

جبکہ اس کام کو بلاک آفس گاندربل کے افسران کی زیر نگرانی اور ایس بی ایم کی اسکیم کے تحت کیا جا رہا ہے۔

اس بارے میں جب ہم نے ڈسٹرکٹ پنچائت آفیسر سے بات کی تو انہوں نے بتایا ٹھیکیدار کے خلاف سخت سے سخت کارروائی کی جائے گی اور اس کی بل کو فی الحال روک دیا گیا۔