ضلع ڈوڈہ میں دوسرے مرحلے کے تحت بھاگواہ اور کاستی گڑھ میں منعقد ہونے والے انتخابات کے لئے پانچ روز قبل ہی پولنگ عملہ کو ہیلی کاپٹر کے ذریعہ روانہ کیا گیا ہے۔
ڈوڈہ سے ہیلی کاپٹر کے ذریعہ پولنگ عملہ کو دیسہ پہنچایا گیا
اس حوالے سے بات کرتے ہوئے ایڈیشنل ڈپٹی کمشنر ڈوڈہ کشوری لال نے بتایا کہ ڈی ڈی سی انتخابات پوری یوٹی جموں و کشمیر میں 28 نومبر کو شروع ہو رہے ہیں اور اس مرحلے میں ڈوڈہ کے بلاک چنگا بھلیسہ میں بھی ووٹ ڈالیں جائیں گے۔
اے ڈی سی نے مزید بتایا کہ موسمی صورتحال کو مد نظر رکھتے ہوئے بلاک بھاگواہ کے دیسہ میں دوسرے مرحلے کے تحت منعقد ہونے والے ڈی ڈی سی انتخابات کے لئے پولنگ عملہ کو پانچ روز قبل ہی ہیلی کاپٹر کے ذریعہ روانہ کیا گیا ہے۔