ڈپٹی کمشنر ڈوڈہ وکاس شرما نے ضلع میں موجودہ کووڈ 19 کی روک تھام کے اقدامات کے بارے میں میڈیا سے گفتگو کی۔
ڈی سی نے بتایا کہ ضلع میں مثبت شرح کم ہو کر 5 فیصد تک پہنچ چکی ہے ۔اس کے علاوہ دیہات میں قائم کئے گئے کووڈکئیر سنڑروں کو بھی عمل میں لایا گیا ہے۔
ان مراکز میں تربیت یافتہ آشا کارکنوں نے گذشتہ ایک ہفتہ میں پانچ سو سے زیادہ RAT ٹیسٹ کیے ہیں۔
انہوں نے بتایا کہ 3 دن پہلے ضلع میں 1097 معاملات سرگرم تھے جو اب کم ہوکر 1029 ہوچکے ہیں۔
جو اس بات کی نشاندہی کرتا ہے کہ مثبت شرح میں کمی واقع ہوئی ہے ویکسینیشن کے سلسلے میں ڈی سی نے بتایا کہ 45 برس سے زیادہ عمر کے 69 فیصد سے زیادہ افراد کو کورونا کے ٹیکے لگائے گئے ہیں۔
متعلقہ لوگوں کو سو فیصد ہدف کو یقینی بنانے کے لئے ترغیب دی جائے گی۔ ضلع میں آکسیجن جنریشن انفراسٹرکچر کو فروغ دینے کے سلسلے میں تیزی سے کام جاری ہے۔
ڈی سی نے آگاہ کیا کہ کووڈ پروٹوکول کے نفاذ کو انتہائی سخت کر دیا گیا ہے۔ اس کے علاوہ مقامی لوگوں پر بھی زور دیا ہے کہ وہ اپنی حفاظت کے لیے ترجیحی بنیادوں پر ضلع انتظامیہ ڈوڈہ کے ذریعہ جاری کردہ ضروری ہدایات پر عمل کریں۔