ڈوڈہ قصبہ کا نوجوان نیرو نالہ میں غرقاب

قصبہ ڈوڈہ کے بن ڈوڈہ محلہ میں آج اُس وقت سنسنی پھیل گئی جب مذکورہ محلّہ کا نوجوان نیرو نالہ میں غرقاب ہو گیا۔

تفصیلات کے مطابق بُن ڈوڈہ کا رہنے والا نوجوان وارث اسلم ولد سجاد احمد شیخ اپنے دوستوں کے ہمراہ گرمی سے بچنے کے لئے نیرو نالہ جو بھدرواہ سے نکلتی ہے اور پُل ڈوڈہ کے مقام پر دریائے چناب میں ملتی ہے وہاں تیرنے گیا ہوا تھا۔

یہ واقعہ پُل ڈوڈہ سے تین کلو میٹر دور ہونڈائی شو روم کے پاس رونما ہوا۔

ذرائع کے مطابق نوجوان کی موت نیرو نالہ میں ڈوبنے سے ہوئی ہے تاہم پولیس نے ابھی اس بات کی تصدیق نہیں کی ہے۔