ذاکر نگر میں گھروں میں لٹکائی گئ رسیاں

دارلحکومت دہلی کے ذاکر نگر علاقے کے مقامی لوگوں اور پولیسں کے ذریعے علاقے کے اطراف میں موجود اونچی بلڈنگ کے باہر موٹی رسیاں لگائی جارہی ہیں۔

اس بیداری مہم کا مقصد ہے کہ اگر آتشزدگی کا کوئی حادثہ پیش آتا ہے تو لوگ اپنے گھر سے رسیوں کی مدد سے باہر آسکے۔

واضح رہے کہ گذشتہ 5 اگست کی دیر رات کو علاقے میں موجود چار منزلہ عمارت میں شارٹ سرکٹ کی وجہ سے آگ لگ گئی تھی۔اس حادثے میں چھ لوگوں کی موت واقع ہوگئی تھی۔ آگ اس وقت لگی تھی جب گھروں میں لوگ سورہے تھے۔آگ اتنی شدید تھی کہ وہ بلڈنگ کے پارکنگ تک پہنچ گئی تھی۔چونکہ بلڈنگ کی سیڑھیاں پارکنگ سے ہوکر گزر رہی تھی اور پارکنگ میں زیردست آگ تھی۔اس وجہ سے لوگ گھر سے باہر نہیں نکل پائے۔اس حادثے کے بعد سے مقامی لوگوں اور پولیس کے ذریعہ اطراف کے گھروں میں رسیاں لٹکائی جارہی ہیں۔تاکہ حادثے کے وقت لوگ باحفاظت اپنی اونچی بلڈنگز سے باہر نکل سکے۔ پولیس رسیاں لگانے کے ساتھ لوگوں کو چڑھنے اور اترنے کے بارے میں بھی بتارہی ہے اور لوگوں کو بیدار بھی کیا جارہا ہے۔