یچوری کا ڈی پی ترپاٹھی کے انتقال پر اظہار تعزیت

سیتا رام یچوری نے نیشنلسٹ کانگریس پارٹی کے جنرل سکریٹری ڈی پی ترپاٹھی کے انتقال پر اظہار تعزیت کیا ہے۔

مارکسسٹ کمیونسٹ پارٹی آف انڈیا کے جنرل سکریٹری سیتا رام یچوری نے ڈی پی ترپاٹھی کو کامریڈ، ہم جماعت، اور ہم سفر قرار دیتے ہوئے کہا، 'ڈی پی ترپاٹھی، کامریڈ، ہم جماعت، ہم سفر اور بھی بہت کچھ۔، یونیورسٹی سے اب تک باتیں کی، بحث کی ہے، اختلاف کیا ہے اور مل کر بہت کچھ سیکھا ہے۔ میرے دوست، آپ کو یاد کیا جائے گا دلی تعزیت۔'

سیتا رام یچوری کا ٹویٹ

مسٹر ترپاٹھی اور مسٹر یچوری سابق سی پی آئی (ایم) کے جنرل سکریٹری پرکاش کارات کے ساتھ جواہر لعل نہرو یونیورسٹی میں ایمرجنسی کے دوران تعلیم حاصل کررہے تھے۔ مسٹر ترپاٹھی جے این یو طلباء یونین کے صدر منتخب ہوئے اور بعدازاں الہ آباد یونیورسٹی میں پولیٹیکل سائنس بھی پڑھاتے تھے۔

دیوی پرساد ترپاٹھی اتر پردیش کے سلطان پر میں 29 نومبر سنہ 1952 میں پیدا پوئے ، انھوں نے اپنی تعلیم جواہر لعل نہرو یونیورسٹی سے حاصل کی اور اس کے بعد الہٰ باد یونیورسٹی میں بطور پروفیسر طالب علموں کو پڑھیایا، انھوں نے بہت ساری عالمی یونیورسٹیز میں لیکچرز بھی دیے ہیں۔

انہیں لوگ نہ صرف ایک مشہور استاز بلکہ ایک اچھا سیاست دان بھی مانتے ہیں۔

شری ترپاٹھی کا طویل علالت کے بعد جمعرات کی صبح یہاں انتقال ہوگیا۔ وہ 67 سال کے تھے۔