MCD Election 2022 بنیادی مسائل پر ووٹ ڈالے جائیں گے، شاہین باغ اور ابوالفضل کے ووٹروں کی رائے

شاہین باغ میں کاروبار کرنے والے اور علی گڑھ سے اعلی تعلیم حاصل کرنے والے شاہنواز نے کہا کہ اس مرتبہ ووٹ ڈالتے وقت اس بات کا خاص خیال رکھیں گے کہ جو امیدوار سماج سے جڑا ہو اور تعلیم یافتہ ہو اور تعلیم کے بارے کچھ اچھا کرنے کی صلاحیت رکھتا ہو اسے وہ ووٹ دیں گے۔انہوں نے کہا کہ ہم لوگ پیسے کی لالچ میں آجاتے ہیں اور ایسا امیدوار جیت جاتا ہے جس کے بعد ہمیں پانچ سال افسوس کرنا پڑتا ہے۔ Interview with voters of Shaheen Bagh and Abul Fazl

نئی دہلی:دہلی میونسپل کارپوریشن انتخابات کی گہما گہمی زور و شور سے جاری ہے۔ سیاسی پارٹیوں کے امیدوار ووٹروں کو مائل کرنے کے لئے ہر ممکنہ کوشش کر رہے ہیں۔ اس میں عوام کے کیا تاثرات ہیں، اس پر مسلم اکثریتی وارڈ 188 شاہین باغ اور ابوالفضل کے کچھ چنیدہ لوگوں سے ای ٹی وی بھارت کے نمائندہ نے بات کی۔

35 سال سے شاہین باغ میں آباد سماجی کارکن جاوید نے بتایا کہ جو امیدوار صفائی ستھرائی پر خاص دھیان دے گا اور بنیادی مسائل کو حل کرنے کوشش کرے گا اسے ووٹ دیں گے۔ شاہین باغ میں کاروبار کرنے والے اور علی گڑھ سے اعلی تعلیم حاصل کرنے والے شاہنواز نے کہا کہ جو امیدوار سماج سے جڑا ہو اور تعلیم یافتہ ہو اور تعلیم کے بارے کچھ اچھا کرنے کی صلاحیت رکھتا ہو، وہ اسے وہ ووٹ دیں گے۔ انہوں نے کہا کہ ہم لوگ پیسے کی لالچ میں آجاتے ہیں اور ایسا امیدوار جیت جاتا ہے جس کے بعد ہمیں پانچ سال افسوس کرنا پڑتا ہے۔
Interview with voters of Shaheen Bagh and Abul Fazl

وہیں پراپرٹی کا کاروبار کرنے والے ایک دیگر شخص نے کہا کہ پندرہ سال تک ایم سی ڈی میں بی جے پی رہی ہے لیکن بنیادی مسائل پر دھیان نہیں دیا گیا جس کی وجہ سے سڑکوں اور نالیوں کی حالت بہتر نہیں ہے۔ واضح رہے کہ میونسپل کارپوریشن کا انتخاب 4 دسمبر کو ہونے والا ہے جب کہ ووٹوں کی گنتی 7 دسمبر کو ہوگی۔