ماحولیات کا تحفظ ضروری

جمعیت علما ہند ماحولیات کے تحفظ کے لیے ملک بھر میں شجر کاری مہم چلا رہی ہے۔ مغربی اترپردیش کے بعد گجرات میں شجر کاری مہم چلائی جائے گی۔

جمعیت علما ہند نے امیزون کے جنگلات میں آتشزدگی پر تشویش ظاہر کرتے ہوئے کہا کہ 'عوام میں ماحولیات کی بہتری کے لیے بیداری لانے کی ضرورت ہے۔'

جمعیت کے ناظم عمومی مولانا محمود مدنی نے بتایا کہ 'ان کی تنطیم نے شجر کاری کی ملک گیر مہم شروع کی ہے تاکہ لوگوں میں ماحولیات کے تحفظ کے لیے بیداری آئے۔'

مولانا مدنی نے بتایا کہ 'اترپردیش میں جمعیت کے زیر اہتمام شجر کاری مہم شروع ہوئی، جس کے بعد اب گجرات کے 5 اضلاع میں مہم چلائی جائے گی۔'

مولانا مدنی نے مزید کہا کہ 'نبی صلی اللہ علیہ وسلم نے ماحولیات کے تحفظ پر بہت زور دیا ہے، آپ نے شجر کاری کی تعریف کی ہے اور اس سے جو فائدہ اٹھائے گا اس کا ثواب بھی ملے گا۔'
انہوں نے کہا کہ 'انسان کی زندگی کے لیے آکسیجن، پانی اور صفائی بہت ضروری ہے جس کے لیے پیڑ بہت اہم ہے اور اسی کے لیے بیداری کی ضرورت ہے۔'