چیف میڈیکل آفیسر کا دفتر تالاب میں تبدیل

صبح سے ہو رہی موسلا دھار بارش کے بعد گوتم بدھ نگر کے چیف میڈیکل آفیسر کا آفس تالاب میں تبدیل ہوگیا ہے۔

اسی دوران سی ایم او آفس پہنچنے والے فریادی کو بھی آفس تک جانے میں مشکلات کا سامنا کرنا پڑ رہا ہے، آفس میں پہنچے ایس ایم او کی گاڑی بھی پھنس گئی اور انہیں اپنے کیبن میں پہنچنے کے لیے کافی مشکلات پیش آئی۔

گوتم بدھ نگر کے چیف میڈیکل آفیسر اور سیکٹر 39 مہیلا تھانہ پریسر تالاب میں تبدیل ہوگیا ہے۔ درخواست گزاروں کو آفس پریسر میں پہنچنے میں مشکلات کا سامنا کرنا پڑرہا ہے۔

ہر مرتبہ مانسون سے قبل دعوے کیے جاتے ہیں لیکن بارش سبھی دعوؤں کی پول کھول کر رکھ دیتی ہے۔

موسلا دھار بارش کے دوران آفس میں سی ایم او کی کار پچھلے آدھے گھنٹے سے پھنسی ہوئی ہے۔ ایس ایم او اپنے آفس پریسر تو پہنچ گئے لیکن کیبن تک پہنچنے میں بڑی مشکل پیش آئی۔